2016 in beeld
Iezerlo (zommerfeest)
Nargens kleurt de luchten zo mooi
de horizon, een deur eiken gevormde vêrentooi
ùt gesteuge gebrom van ‘ne melkmachine klunk.
De zönne kump op, ‘ne geteling zunk
den voggel is an de viefde bundel, ut zesde couplet
uut de toon dût een holtdoeve een endjen wieter met um met
Ovveral roek e’j ‘ne zommerse geur
in de weide loopt wat schimmen zonder kleur
deur de mist zeet e’j ut ze neet an
maor ut bunt de roodbonten van onzen buurman
De bakker is wakker maor de rest is nog te röste
of leever ‘ezegt; dee likt nog veur de pöste
‘ne haze rent deur ‘ne weide, met alles wat rest
van wat dree dage feestterrein is ‘ewest
Ût jaorlijkse feest dat iederene kent
en een fazante fladdert langs, de leûge tent
Donderdag hef ut feest al an ‘evangen
met trekkers en wagens met tekkere behangen
de meziek veurop naor de koning ophalen
Dan naor de weide terugge in grote getalen
Met een drankje, een stuk vleis op ùt vuur
en de stampende meziek is ùt al zo één uur
Vri’jdags kump ùt luie zweet ok wal los
Een ende fietsen ovver paedjes en deur bos
deur ‘ne rieken umgeving, met nog mear kansen
En daornao meziek waorop da’j kûnt dansen
as de lesten naor huus gaot is ùt de hane dee kraeijt
dan is ùt zaoterdag, de dag waor ùt eigenlijk um draeijt
Iederene dee maor kan kump met goeien zin
want dizzen dag kump der ‘ne ni’je koning of koningin
De playbackshow was lange ut begin wal 25 jaor
De spellekes, de meziek en de vöggel staot klaor
Ondertussen be’jpraoten; wat doe i’j teggenswoardig deerne?
Da bunt miene kinder jao .. en of ik nog wat drinke? Jao geerne!
En wat zeg e’j .. wee gaot der trouwen?
Maor dee war’n toch an ’t verbouwen?
De tied geet ha’d en dan vült al ut leste schot
Oh verduld, ik geleuf da w’ feliciteren mot
De sjerp geet ovver met een plechtig gebaar
‘ne glimlach, bewondering, hoo krie’j ‘t veur mekaar!
Daor mot op ‘edronken worden Hi Ha Ho
en de buurte geet versieren, as koninklijk kado
Tiedens ut aovendfeest geet ùt nog effen helemaol los
en ùt feest kump an een ende teggen de rand van dat bos
Dan brûk den dreumigen dag an waor ik ‘t verhaal met begon
den zingende voggel en opkommende zon
Mensen wordt wakker met né glimlach um de mond
der komt der wat b’j de weide, ondertussen blûkt ‘ne hond
Dan, tiedens ùt wegruumen van de leste pröttel en zooi
wördt deur menig persoon verzucht; “wat was dat wear mooi”
Wiljo Brusse
augustus 2017
1. |
 |
|
2. |
 |
|
3. |
 |
|
4. |
 |
|
5. |
 |
|
6. |
 |
|
7. |
 |
|
8. |
 |
|
|
|
9. |
|
10. |
 |
|
11. |
 |
|
12. |
 |
|
13. |
 |
|
14. |
 |
|
15. |
 |
|
16. |
 |
|
17. |
 |
|
18. |
 |
|
19. |
 |
|
20. |
 |
|
21. |
 |
|
22. |
 |
|
23. |
 |
|
24. |
 |
|
25. |
 |
Het buurtspel fiets vouwen werd gewonnen door de Dijkers (Huisstededijk/Kruisdijk)
Iezerlo 's Got Talent werd gewonnen door:
1. Crescendo
2.
3.
Het fotoraadspel gemaakt door Eddy Kamink werd gewonnen door:
Rita te Grotenhuis en Loes te Grotenhuis
Uitslagen koningschieten:
Volwassenen:
rechtervleugel: Henk Drenthel
linkervleugel: Kirsten Huls
kop: Mariel Ruesink
staart: Johann Eenink
romp: Bo Kraaijenbrink
Jeugd:
rechtervleugel: Hidde Tjoelker
linkervleugel: Gerjan Hoftijzer
kop: Sharon Wellink
staart: Hidde Tjoelker
romp: Jade Bosmann
Fladderschieten:
meisjes: Myrte Kruisselbrink
jongens: Bjorn van Eerden
Goeiemorgen Iezerlo,
Wi-j bunt hier vandage as buurtschap bi-jeen um ons samen te vermaken,
’t buurtspel, de fotopuzzel en kieken wie de vogel as leste wet te raken.
Bi-j de gedachte daoran kon ik ’t niet loaten,
um over un ander Old-Hollandsspel te proaten.
’t Is un spel met een lange traditie, maor zonder regels,
un spel dat draait um principes, maor veural ok um de pegels.
’t Is een pokerspel op hoog niveau,
’t resultaat is echter vake maor zozo.
’t spel wörd e-speuld deur Haagse heren
en steed ok wal bekend as formeren.
Met verkiezingen opent dizze rituele dans,
menig gelukszoeker ruukt daorbi-j zien kans.
Bi-j de stembusgang word de kaart-n opni-j e-schud,
met al die splinters op zo’n groot papier is dat een heel gekut.
As wi-j as kiezers dan ons zegjen hebt e-daon,
könt ze weer vier jaor lang eur gang goan.
Bi-j de veurige formatie gingen ze samen an ‘t kwartetten,
Rutte ma-ken in no-time met Samson korte metten.
Dat moch neet nog eens gebeuren,
vandaor dat ze no zo lang loopt te leuren.
Tweemaol heb ze ’t met Klaver e-probeerd,
toen hebt ze Jesse een lesjen democratie e-leerd.
I-j kunt mooi praoten over un morele ondergrens op ‘t asielbeleid,
maor dat breg niks a’j ow keert tegen een kamermeerderheid.
Holt de spöllers de kaart-n te stevig veur de borst,
dan mot de ve-kenner word-n af e-lost.
Tjeenk Willink nam ’t over was d’r echter gauw met klaor,
had ‘t vierde rad veur de wagen zo e-vonden.
Hi-j zetten de heren op ‘t goeie spoor
en zei dat ze ‘t wieter zelf wel konden.
Now dut Gerrit Zalm dienst as machinist,
op een trein waor nog wat an mist.
Een paar extra zitplaatsen komt wal van pas,
om precies te wêen 3 veur de eerste en 5 veur de tweede klas.
Ascher dreigt op de valreep ’t kabinet nog te verlaten,
krig in ens last van dadendrang,
moar a’j bedenkt dat zi-j vier jaor lang an de knoppen zaten.
is dat toch wal un betjen krang.
Soms wet i-j zeker da’j een deure dichte hebt e-doan,
maor a’j d’r te hard met hebt e-gooit dan sprunk wal es weer los.
Zo is ’t Pechthold ook met de ChristenUnie vergaon,
’t is haost as-of ’t zo wezen mos.
Om de plooien glad te strieken gebruken ze samen de dis,
‘t löt zich wal roaden hoe dat verlopen is:
Gert-Jan vouwden vooraf zijn vromme handen
en Alexander at met lange tanden.
Kold was d’r e-kozen veur ‘Rechts met den Bijbel’,
ontstond d’r over ’t voltooide lêven al weer heibel.
Van der Staaij gooiden graag nog un betjen o-lie op ‘t vuur,
maar toen hi-j de koppen las bleek goeie raod toch duur.
Op weg naor ‘t bordes
gingen de heren eerst nog met reces,
en now ze van vakantie teru-ge bunt,
is ’t hoppen dat ze mekaar wat gunt.
At ze station Noordeinde veur Prinsjesdag nog wilt halen,
is d’r now geen tied meer um te dralen.
Ons rest now slechts te wachten op het ni-je kabinet,
nao verluid wörd ’t met een Seegerring in mekaar e-zet.
Wie wetten wil hoe ’t verhaal wieter geet
kan’k slechts raoden um te kieken wat d’r in de krante steed.
*-*-*-*-*-*-*-*-*-*-*